უკრაინის პრეზიდენტმა ვოლოდიმირ ზელენსკიმ 3 მარტს, დილით, გაკეთებულ ვიდეო მიმართვაში უკრაინელებს მოუწოდა, გააგრძელონ ბრძოლა და წინააღმდეგობის გაწევა. პრეზიდენტმა ზელენსკიმ ასევე აღნიშნა, რომ გასული 7 დღის განმავლობაში 9000-ზე მეტი რუსი სამხედრო მოსამსახურე დაიღუპა.
ვოლოდიმირ ზელენსკის განცხადებით, სადაც არ უნდა წავიდეს მტერი, ყველგან გაანადგურებენ. მისივე თქმით, აგრესორები უკრაინაში მშვიდად ვერ იქნებიან, მათ არ ექნებათ საკვებიც. ზელენსკი ამბობს, რომ ოკუპანტები უკრაინელებისგან მხოლოდ ერთ რამეს მიიღებენ და ეს არის წინააღმდეგობა. გააფთრებული წინააღმდეგობა, ისეთი, რომელიც მათ ყოველთვის ემახსოვრებათ. უკრაინელები არ დათმობენ იმას, რაც მათია. ზელენსკი აღნიშნავს, რომ რუსებს არ დაავიწყდებათ ეს პატრიოტული ომი და როგორც დამთავრდება ის თავდამსხმელებისთვის.
