სახელმწიფო დეპარტამენტი კრემლს უკრაინის საზღვართან ბოლო პერიოდის პროვოკაციების შესახებ განმარტებას სთხოვს.
“ვაშინგტონისთვის შემაშფოთებელი იქნება მოსკოვის ნებისმიერი მცდელობა, დააშინოს უკრაინა – იმის მიუხედავად, სად მოხდება ეს- რუსეთის თუ უკრაინის ტერიტორიაზე”, განაცხადა აშშ-ის სახელმწიფო დეპარტამენტის პრესსპიკერმა მეტ პრაისმა.
რამდენიმე დღეა ვითარება სულ უფრო იძაბება უკრაინის აღმოსავლეთით, სადაც რუსეთი სწრაფად ზრდის სამხედრო წარმომადგენლობას და მძიმე ტექნიკის გადაადგილებას აგრძელებს.
