ამერიკის შეერთებული შტატების პრეზიდენტი, ჯო ბაიდენი, ქვეყნის წამყვან მეცნიერებს შეხვდა. იგი ვირუსული პათოგენეზის ლაბორატორიასაც ეწვია, სადაც „მოდერნას“ მიერ წარმოებული კოვიდ-19-ის ვაქცინა შეიქმნა.
პრეზიდენტმა მეცნიერებთან ვაქცინის მარაგების მნიშვნელობაზეც ისაუბრა. მან განაცხადა, რომ აუცილებელია ქვეყანაში ზაფხულის ბოლომდე ვაქცინის იმდენი მარაგი დაგროვდეს, რომ ვირუსისგან 300 მილიონი ამერიკელის დაცვა მოხერხდეს.
