ისრაელის სხვადასხვა რეგიონში ვითარება კვლავ დაძაბულია. ირანის მიერ მიტანილი სარაკეტო იერიშების შედეგად ქვეყნის ცენტრალურ და სამხრეთ ნაწილებში დაზიანდა ინფრასტრუქტურა.
ისრაელის სამხედროების ინფორმაციით, ირანმა რამდენიმე რაკეტა გაუშვა, მათ შორის ერთ-ერთი სამხრეთ ქალაქ ეილათის მიმართულებით. თავდასხმა იყო ისრაელის ცენტრალურ ნაწილზეც, რის შემდეგაც სხვადასხვა ადგილას დაუყოვნებლივ გაგზავნეს საგანგებო სამსახურების წარმომადგნლები. მსხვერპლის შესახებ ინფორმაცია არ გავრცელებულა.
7 აპრილს ისრაელზე ლიბანმა მიიტანა იერიში. ,,ჰეზბოლას“ სარაკეტო იერიშისას ქალაქ ნახარიაში ახალგაზრდა ქალი მსუბუქად დაშავდა. იგი დროულად გადაიყვანეს საავადმყოფოში.
სამედიცინო და სახანძრო სამსახურების ცნობით, ერთ-ერთ საცხოვრებელ ქუჩაზე რაკეტის ჩამოვარდნის შედეგად რამდენიმე ავტომობილი დაიწვა, დაზიანდა შენობები.
დღის განმავლობაში განგაშის სირენები რამდენჯერმე ჩაირთო ლიბანის საზღვართან მდებარე დასახლებებშიც, რაც უსაფრთხოების მდგომარეობის გაუარესებაზე მიუთითებს.