1300 წელზე მეტი ხნის წინ პერუში, კერძოდ, ლიმაში, დაკრძალეს ერთი ადამიანი. არქეოლოგებმა ადამიანის ნეშტი აღმოაჩინეს. უაკა-პუკლიანა, რომელიც ოდესღაც ცერემონიებისთვის იყო განკუთვნილი, დღეს არქეოლოგიური კომპლექსი და მუზეუმია ლიმაში. ცხედარი მიწისქვეშა სარიტუალო არხში იპოვეს.
„ჩვენ ვხედავთ ადამიანის მსხვერპლშეწირვის კვალს სარიტუალო არხში, რომელიც ეკუთვნის ლიმის კულტურას, ჩვენ ახლა უაკა-პუკლიანაში ვართ, რომელიც შეესაბამება უაკა-ჩიკას B სექტორს, სადაც დაახლოებით 650 წელს საკულტო ცენტრის მთავარი კარიბჭე ან შესასვლელი უნდა ყოფილიყო." – განაცხადა არქეოლოგმა გლედის პასმა.
ცხედარი მარცხენა გვერდზე იყო დასვენებული, თავის ქალა - ზღვისკენ დასავლეთით. არქეოლოგები ამბობენ, რომ ეს პოზა რიტუალურ შესაწირზე მიუთითებს. გათხრების ადგილას ასევე ნაპოვნია კერამიკის ფრაგმენტები.
"უკვე რამდენიმე ათეული წელია, რაც ეს უაკა-პუკლიანასთვის სახასიათო ნიშანია, სინამდვილეში, სწორედ ეს იზიდავს ადამიანებს, რომლებიც ჩვენთან მოდიან. მათ სურთ, იპოვონ მსგავსი უძველესი არქეოლოგიური ადგილი ქალაქის შუაგულში, ეს ნამდვილად საოცარია". - განაცხადა არქეოლოგმა მიკაელა ალვარესმა.
აღმოჩენამ შესაძლოა ახალი ინფორმაცია მოგვაწოდოს რიტუალებისა და 1300 წელზე მეტი ხნის წინანდელი წინარესპანური ცივილიზაციის შესახებ. ნეშტს არქეოლოგიური გათხრების ადგილიდან უახლოეს დღეებში გადაასვენებენ.