გერმანიამ საქსონია-ანჰალტში დრონების უსაფრთხოების ახალი კვლევითი ცენტრი გახსნა. ქვეყანა აძლიერებს ძალისხმევას აეროპორტებისა და კრიტიკული ინფრასტრუქტურის მტრული და არაავტორიზებული მფრინავი აპარატებისგან დასაცავად.
გახსნის ცერემონიაზე გერმანიის შინაგან საქმეთა მინისტრმა ალექსანდრ დობრინდტმა განაცხადა, რომ მისი ქვეყანა ყოველდღიური ჰიბრიდული თავდასხმების სამიზნეა. მან განმარტა, თუ რატომ იყო გერმანია სამიზნე.
„ჩვენ ვართ ევროპის გულში მთავარი საყრდენი, როდესაც საქმე ეხება ეკონომიკურ, პოლიტიკურ, სოციალურ სტაბილურობასა და ევროპაში უსაფრთხოების პოლიტიკის უზრუნველყოფის საკითხებს“. - ამბობს გერმანიის შინაგან საქმეთა მინისტრი, ალექსანდრ დობრინდტი.
დობრინდტმა დრონების საფრთხე 21-ე საუკუნის ჩრდილოვანი ომის ნაწილად შეაფასა.
ობიექტი შეისწავლის და გამოცდის ტექნოლოგიას, რომელიც შექმნილია აეროპორტების, მნიშვნელოვანი ღონისძიებებისა და კრიტიკული ინფრასტრუქტურის მახლობლად არაავტორიზებული დრონების აღმოსაჩენად და მათ წინააღმდეგ საბრძოლველად.
გერმანიაში ბოლო დროს არაერთი ინციდენტი მოხდა, ერთ-ერთი იყო, როდესაც ლაიფციგის აეროპორტში ასაფეთქებელი ნივთიერებებით დატვირთული დრონი შეფრინდა.
ასევე ოპერაციები შეფერხდა ჰანოვერის აეროპორტში, რადგან დრონი დახურულ საჰაერო სივრცეში შეიჭრა.