კანადის ბრიტანეთის კოლუმბიის პროვინციაში, ტამბლერ რიჯის საშუალო სკოლაში მომხდარი სროლის შედეგად 10 ადამიანი დაიღუპა, 25-ზე მეტი კი დაშავდა.
დაღუპულთა შორის არის ქალი, რომელიც, პოლიციის შეფასებით, თავად იყო თავდამსხმელი. რვა ადამიანის ცხედარი იპოვეს სკოლაში, ორის კი – სკოლასთან ახლომდებარე საცხოვრებელ სახლში, რომელიც, სამართალდამცავთა ვარაუდით, მომხდარ თავდასხმას უკავშირდება. კანადაში მომხდარ ტრაგედიაზე უკვე დაიწყო გამოძიება.