პრინცი უილიამი სამდღიანი ვიზიტით საუდის არაბეთში იმყოფება. ის უკვე შეხვდა საუდის არაბეთის მემკვიდრეს, მოჰამედ ბინ სალმანს, რომელთან ერთადაც ეწვია ატ-ტურაიფის ისტორიულ ქალაქ დირაიას.
ვიზიტის ფარგლებში დელეგაციამ დაათვალიერა ატ-ტურაიფის ისტორიული უბანი, რომელიც ცნობილია ტრადიციული ნაჯდის არქიტექტურით. პრინცმა უილიამმა მოინახულა სასახლეები და ნაგებობები, რომლებიც საუდის ადრეულ მმართველებს უკავშირდება.
ვიზიტის მიზანია ორ ქვეყანას შორის თანამშრომლობის გაძლიერება ვაჭრობის, ენერგეტიკისა და ინვესტიციების სფეროებში, იმ ფონზე, როცა ლონდონისა და ერ-რიადის დიპლომატიური ურთიერთობების დამყარებიდან 100 წლისთავი სრულდება.
საუდის არაბეთში მოგზაურობის მეორე დღეს პრინცი უილიამი დაესწრება ახალგაზრდა საუდელი გოგონების მონაწილეობით გამართულ სპორტულ ღონისძიებას, რომელზეც გოგონები ფეხბურთის საბაზისო უნარებს სწავლობენ.
ბრიტანელი პრინცის ვიზიტი რეგიონში ლონდონსა და ერ-რიადს შორის პოლიტიკური და ეკონომიკური ურთიერთობების გაღრმავების ნაწილია. ვიზიტი ოფიციალური შეხვედრების გარდა, საზოგადოებრივ და კულტურულ პროგრამებსაც მოიცავს.
