31 იანვარს თელ-ავივში მოქალაქეებმა საპროტესტო მსვლელობა გამართეს და მთავრობისგან არაბული თემებისა და საზოგადოების სამართლიანი კონტროლი მოითხოვეს.
ისრაელში არაბული უმცირესობის ყოველი მეხუთე წარმომადგენელი პალესტინელია. მათ წინააღმდეგ მიმართული ძალადობა ყოველდღიური ცხოვრების განუყოფელ ნაწილად იქცა. აქტივისტები დიდი ხანია, ადანაშაულებენ ხელისუფლებას, რომ მას პრობლემის გადაჭრის უნარი არ აქვს. მათი თქმით, ისრაელის ამჟამინდელი ულტრამემარჯვენე მთავრობის პირობებში ეს პრობლემა კიდევ უფრო გამწვავდა.
ზოგიერთი დაჯგუფება მთავრობის დაუდევრობით სარგებლობს. ჩვენ ხმამაღლა ვამბობთ, რომ გვინდა მშვიდობიანი ცხოვრება, გვსურს, დაცული იყოს ჩვენი უსაფრთხოება. ეს არის ძირითადი უფლებები. ჩვენ არ უნდა ვითხოვდეთ ამას დღე და ღამე. ის ყველა მოქალაქეზე თანაბრად უნდა ვრცელდებოდეს, მაგრამ ასე არ არის. დარწმუნებული ვართ, რომ ნეთანიაჰუსა და ბენ გვირის მთავრობა გულგრილია ამ მკვლელობების მიმართ, რადგან ბენ გვირი იზიარებს იდეას ლოზუნგისა: „სიკვდილი არაბებს!” – ამბობს პოლიტიკოსი და ქნესეთის წევრი, აჰმად ტიბი.
პოლიცია არაბ ეჭვმიტანილებს უფრო ხშირად უყენებს ბრალს, ვიდრე ისრაელის ებრაელ მოქალაქეებს. კრიტიკოსების აზრით, ეს უთანასწორობა ფესვგადგმული დისკრიმინაციის შედეგია.
ბოლო რამდენიმე კვირაა, არაბული თემები გაფიცულები არიან. მათ დახურეს მაღაზიები და სკოლები. ისრაელში სულ უფრო მეტი დემონსტრაცია იმართება.
„2000-იდან 2024 წლის ბოლომდე არაბულ თემში 1700 ადამიანი დახოცეს, 2025 წელს 252 – ადამიანი. ამ მემარჯვენე მთავრობის რეჟიმს 750 პირი ემსხვერპლა. ეს ნეთანიაჰუს და ბენ გვირის მთავრობის დროს მოხდა“, – სახნინის მერი მაზენ გნაიიმი.
ისრაელის არასამთავრობო ორგანიზაცია „აბრაამის ინიციატივების“ მონაცემებით, გასულ წელს ისრაელში 252 პალესტინელი მოქალაქე დახოცეს. იანვარში ეს რიცხვი 25-ით გაიზარდა. მათ ბრალად სხვადასხვა დანაშაული ედებოდათ.
ისრაელის პოლიციამ უარყო ბრალდებები და განაცხადა, რომ მკვლელობა ნებისმიერ შემთხვევაში დანაშაულია. მათი თქმით, გამოძიება ხშირად რთულდება, რადგან მოწმეები ყოველთვის არ თანამშრომლობენ გამოძიებასთან.