2026 ეროვნული თავდაცვისთვის დიდი გამოწვევების წელი იქნება – ასე მიმართა საფრანგეთის პრეზიდენტმა ემანუელ მაკრონმა ქვეყნის შეიარაღებულ ძალებს. უკრაინაში რუსეთის ომი გრძელდება, ესკალაცია მატულობს ირანში ძალადობრივ პროტესტზე, თავს იჩენს ახალი წუხილი ევროპაში, მას შემდეგ რაც აშშ-ის პრეზიდენტმა დონალდ ტრამპმა დანიის ავტონომიურ ტერიტორიაზე, გრენლანდიაზე, პრეტენზიები გამოთქვა.
„საფრთხეების აჩქარება ითხოვს საფრანგეთის სწრაფ გადაიარაღებას. იმისათვის რომ დარჩე თავისუფალი, ჩვენი უნდა ეშინოდეთ, რომ ეშინოდეთ, უნდა ვიყოთ ძლიერები. ამ სასტიკ სამყაროში კი ძლიერები რომ ვიყოთ, უნდა ვიმოქმედოთ უფრო სწრაფად და უფრო მეტად. ეს კი ნიშნავს, რომ სახელმწიფომ გასწიოს ძალისხმევა შესაბამისობაში მოვიდეს ეპოქასთან”, – აღნიშნა საფრანგეთის პრეზიდენტმა ემანუელ მაკრონმა.
ემანუელ მაკრონმა ეროვნულ დონეზე სამი ძირითადი პრიორიტეტი გამოყო: საბრძოლო მასალების მარაგების ზრდა, ოპერაციული მზაობის გაზრდა, საფრანგეთის სუვერენობის დაცვა. ფინანსურ ფრონტზე კი პრეზიდენტი ადასტურებს მის განზრახვას ხელშესახებად გაზარდოს სამხედრო ხარჯები, საუბარია 36 მილიარდი ევროს ოდენობის ზრდაზე 2026–2030 წლებისთვის.
საფრანგეთის პრეზიდენტმა ასევე აღნიშნა, რომ ქვეყანა გააძლიერებს მის სამხედრო ყოფნას გრენლანდიაში. 15 ფრანგი სამხედრო უკვე დედაქალაქ ნუკშია სამხედრო წვრთნებისთვის. გეგმის თანახმად, სამხედრო სწავლების კონტინგენტი მალე სახმელეთო, საჰაერო და საზღვაო კომპონენტებით გაძლიერდება.
