აშშ-ის პრეზიდენტი დონალდ ტრამპი აპირებს, გარკვეულ ეტაპზე შეხვდეს ვენესუელის დროებით პრეზიდენტ დელსი როდრიგესს.
გასულ კვირას აშშ-ისა და ვენესუელის ლიდერებმა განაცხადეს, რომ განიხილავენ ურთიერთობის აღდგენის საკითხს.
ვენესუელის მთავრობა გეგმავს დელეგაციის გაგზავნას აშშ-ში, თუმცა კონკრეტული თარიღი არ დაუსახელებია. ქვეყნის ნებისმიერი დელეგაციის აშშ-ში გასამგზავრებლად ფინანსთა სამინისტრომ დროებით უნდა გააუქმოს სანქციები.
„კუბის მთავრობასთან ვთანამშრომლობთ. ძალიან მალე შეიტყობთ ინფორმაციას. ერთ-ერთი საკითხი, რომლის მოგვარებაც მინდა, ეხება იმ ადამიანებს, რომლებიც კუბიდან გააძევეს, ან იძულებით დატოვეს ქვეყანა. ისინი დღეს შეერთებული შტატების შესანიშნავი მოქალაქეები არიან“, – განაცხადა აშშ-ის პრეზიდენტმა დონალდ ტრამპმა.
ნავთობკომპანიების ხელმძღვანელებთან შეხვედრისას ტრამპი მათ დამშვიდებას შეეცადა. მისი თქმით, ისინი პირდაპირ აშშ-სთან ითანამშრომლებენ და არა ვენესუელის მთავრობასთან.
„კი, მშვიდობის საბჭო ყალიბდება. მასში შევლენ ყველაზე მნიშვნელოვანი ქვეყნების ლიდერები. ჩვენ შევარჩევთ შესაბამის ქვეყნებსა და ლიდერებს. სწორედ ისინი იქნებიან მშვიდობის საბჭოში“, – აცხადებს დონალდ ტრამპი.
ღაზაში პალესტინელი ტექნოკრატების ხელმძღვანელობით შექმნილი კომიტეტი აიღებს ტერიტორიის მართვაზე პასუხისმგებლობას, როგორც ეს აშშ-ის შუამავლობით შემუშავებული სამშვიდობო გეგმით არის განსაზღვრული. თუმცა ჯგუფს არ დაუკონკრეტებია, როდის განხორციელდება ეს ცვლილება.