უკვე მერვე თვეა აქონდროპლაზიის დიაგნოზის მქონე ბავშვების ნაწილი მედიკამენტ ვოზორიტიდის ინიექციას იღებს.
2023 წლის 15 ნოემბერი, სწორედ ეს იყო პირველი დღე, როდესაც მათ პირველი დოზა მიიღეს. მანამდე კი, იყო მათი მშობლების ხანგრძლივი ბრძოლა იმისათვის, რომ ბავშვებისთვის ეს მედიკამენტი საქართველოში გამხდარიყო ხელმისაწვდომი.
როგორ მიმდინარეობს აქონდროპლაზიის დიაგნოზის მქონე ბავშვების მკურნალობა – ამ საკითხზე ევრონიუს ჯორჯიას ეთერში ისაუბრა ეკა კანდელაკმა, იაშვილის სახელობის ბავშვთა საავადმყოფოს ამბულატორიული განყოფილების უფროსმა, მედიცინის დოქტორმა.
