პორტუგალიაში ბოლო დღეებში გაჩენილი ტყის ხანძრების ჩასაქრობად 2000-ზე მეტი მეხანძრეა მობილიზებული.
18 აგვისტოს შუადღისას კვლავ მძინვარებდა სამი, საკმაოდ მასშტაბური ხანძარი.
ბრაგანსის რაიონში, ტორი-დი-მონკორვუში, გასულ უქმეებზე გაჩენილი ხანძრის ჩაქრობას 400-ზე მეტი მეხანძრე ცდილობს.
ამ მუნიციპალიტეტში ხანძარმა უკვე გაანადგურა 2000 ჰექტარზე მეტი მიწის ფართობი.
ხელისუფლების შეშფოთებას იწვევს აროკასა და სანტუ-ტირსუში მძვინვარე ტყის ორი ხანძარიც.
ცეცხლის ჩაქრობის სამუშაოებში მთელი ქვეყნის მასშტაბით ორ ათეულზე მეტი თვითმფრინავი მონაწილეობს.
ეროვნულმა მეტეოროლოგიურმა სამსახურმა ცხრა რაიონში ცხელი და მშრალი ამინდის გამო განგაშის ნარინჯისფერი დონე გამოაცხადა.