დანიის ქალაქ ჰუნდესტედში ქვიშიდან რაინდები, დრაკონები და მეფეები აღმოიმართებიან.
უკვე 15 წელია იმართება ქვიშის ფესტივალი, რომელიც ხელოვანებს მთელი ევროპიდან და მის ფარგლებს გარეთაც იზიდავს
წლევანდელი თემატიკა შუა საუკუნეებია, რაც მოქანდაკეებს შთააგონებს, ხელახლა შექმნან შუა საუკუნეების ცხოვრების სცენები და შეთხზან მითები და ლეგენდები.
„ძალიან ბევრი კარგი ისტორიაა. ჩვენ ასევე გავეცანით დანიის რამდენიმე ადგილობრივ ამბავს. ვიცით ისტორია იმ დროის უზარმაზარ ბაზარზე. ეს შუა საუკუნეების ტემუს თემას ჰგავს. მოქანდაკეებს, მხატვრებს ძალიან უყვართ ეს თემა, რადგან მასში ამდენი კარგი სურათი და ისტორიაა“. - განაცხადა ჰუნდესტედის ქვიშის ქანდაკებების ფესტივალის ორგანიზატორმა, კრისტიან უორერმა.
ჩვეულებრივი ქვიშისგან განსხვავებით, ის მასალა, რომელიც აქ გამოიყენება, შეიცავს თიხას, რომელიც ხელს უწყობს ქანდაკების გამაგრებას.
„ეს არ არის სანაპიროს ქვიშა, თუმცა ის ჩვეულებრივი ქვიშაა კარიერიდან. მასში ცოტაოდენი თიხაცაა გარეული. როდესაც შრება, ის ქვასავით მაგრდება და წვიმასაც კი უძლებს“. - განაცხადა ჰუნდესტედის ქვიშის ქანდაკებების ფესტივალის ორგანიზატორმა, კრისტიან უორერმა.
ჰოლანდიელი მოქანდაკე იორის კივიცი ქვიშაზე უკვე 20 წელზე მეტია მუშაობს.
მისი ნამუშევარი „მეფეთა თამაში“ წარმოგვიდგენს შუა საუკუნეების მმართველებს, რომლებიც ჭადრაკის თამაშზე ხვდებიან ერთმანეთს.
~„ჭადრაკთან დაკავშირებით რაღაც აღმოვაჩინე და ეს საკმაოდ სასიამოვნო იყო, როგორც ჩანს, მათ იცოდნენ, რომ სხვადასხვა კულტურის ადამიანები, ძირითადად მეფეები, ერთმანეთს ჭადრაკის სათამაშოდ სტუმრობდნენ“. - განაცხადა ჰოლანდიელმა მოქანდაკემ იორის კივიცმა.
ოქტომბრამდე, ფესტივალის დახურვამდე, სამოც ათასზე მეტ ვიზიტორს ელოდებიან.