საქართველოს ფუტსალის ნაკრები ევროპის ჩემპიონატს მიუახლოვდა.
ავთანდილ ასათიანის გუნდმა საკვალიფიკაციო ეტაპის გადამწყვეტ მატჩში საფრანგეთი 3:2 ანგარიშით დაამარცხა და ჯგუფში მეორე ადგილი დაიკავა.
2022 წლის ევროპის ჩემპიონატზე ჯგუფში პირველადგილოსნების გარდა 6 საუკეთესო მეორეადგილოსანი მიიღებს, კიდევ ერთი საგზური კი რეიტინგით ბოლო 2 მეორეადგილოსანს შორის გათამაშდება.
საქართველოსა და საფრანგეთის გარდა ჯგუფში სომხეთისა და რუსეთის ნაკრებები არიან. მომდევნო შეხვედრას ნაკრები მსოფლიოს ვიცე-ჩემპიონის წინააღმდეგ რუსეთში გამართავს. რუსეთისა და საქართველოს მატჩი 12 აპრილს გაიმართება.