ისრაელის საჰაერო ძალები ღაზის სექტორზე ავიაიერიშებს აძლიერებენ და ტერიტორიის ჩრდილოეთში დარჩენილ მოსახლეობას მოუწოდებენ, სამხრეთისკენ გადაინაცვლონ.
ისრაელის პრემიერ-მინისტრმა ბენიამინ ნეთანიაჰუმ ჯარისკაცებთან შეხვედრისას განაცხადა, რომ „ჰამასთან“ ბრძოლაში უკან დასახევი გზა არ აქვთ. ქვეყნის თავდაცვის მინისტრმა აღნიშნა, რომ ბრძოლები შესაძლოა თვეები გაგრძელდეს, თუმცა დასძინა, რომ ეს ბოლო ბრძოლა იქნება, რომელშიც „ჰამასი“ მიიღებს მონაწილეობას.
„ამას დასჭირდება ერთი თვე, ორი თვე, სამი თვე, მაგრამ ბოლოს „ჰამასი“ გაქრება. სანამ „ჰამასი“ ჩვენს ტანკებს და ქვეითებს შეხვდება, მათ ჩვენი ავიაციისგან მოხვდებათ ბომბები”, – განაცხადა ისრაელის თავდაცვის მინისტრმა იოავ გალანტმა.
„ჰამასთან“ მიმდინარე ბრძოლების პარალელურად, დაძაბულობაა ქვეყნის დასავლეთით, სადაც მეორე ფრონტის გახსნის რისკია.
ისრაელის ავიაციამ ლიბანში „ჰეზბოლას“ პოზიციებზე ავიაიერიშები მიიტანა
პრემიერ-მინისტრმა ნეთანიაჰუმ „ჰეზბოლა“ გააფრთხილა, რომ ისრაელთან ომის წამოწყება „ისტორიული შეცდომა“ იქნება.
Big question for Lebanon to answer: Is it worth jeopardizing what's left of Lebanese prosperity for the sake of ISIS of Gaza? https://t.co/MjNLnljwn1
— Jonathan Conricus (@jconricus) October 22, 2023
ისრაელის თავდაცვის ძალების ღაზის სექტორთან მობილიზებას აგრძელებენ
ირანი იუწყება, რომ სახმელეთო ოპერაციის დაწყების შემთხვევაში, სიტუაცია შესაძლოა უკონტროლო გახდეს.
რეგიონში არსებულ ვითარებაზე ამერიკის შეერთებული შტატების პრეზიდენტმა, ჯო ბაიდენმა ბრიტანეთის, საფრანგეთის, გერმანიის, იტალიისა და კანადის ლიდერებთან ისაუბრა.
Israel has the right to defend itself. We must make sure they have what they need to protect their people today and always.
At the same time, Prime Minister Netanyahu and I have discussed how Israel must operate by the laws of war. That means protecting civilians in combat as…— President Biden (@POTUS) October 22, 2023
საერთო განცხადებაში ისინი ამბობენ, რომ მხარს უჭერენ ისრაელის უფლებას, დაიცვას თავი ტერორიზმისგან, ამავდროულად კი აცხადებენ, რომ დაცული უნდა იყოს საერთაშორისო ჰუმანიტარული ნორმები და მშვიდობიანი მოსახლეობის უსაფრთხოება.
