30 მაისს, დილით მოსკოვში საცხოვრებელ სახლებს დრონები დაეჯახა. მოსკოვის მერის სერგეი სობიანინის ცნობით, რამდენიმე კორპუსიდან უსაფრთხოების მიზნით მოქალაქეების ევაკუაცია განხორციელდა. გასულ დღეებში მასობრივი ავიაიერიშების ქვეშ მოხვდა უკრაინის დედაქალაქი კიევი.
Russian media report a drone attack on Moscow and Moscow region – at least ten drones were sighted, according to them.
Russian police announced a "Taifun" plan to deal with the situation. pic.twitter.com/dLxQs4mR4j
— Anton Gerashchenko (@Gerashchenko_en) May 30, 2023
სობიანინის თქმით, დაზიანება „უმნიშვნელოა” და ადგილზე იმყოფებიან საგანგებო სამსახურის წარმომადგენლები. აფეთქებების ხმა ისმოდა მოსკოვის ოლქშიც. გუბერნატორ ანდრეი ვორობიოვის თანახმად, საჰაერო თავდაცვის სისტემამ მოსკოვთან მიახლოებისას ჩამოაგდო რამდენიმე უპილოტო საფრენი აპარატი.
გასულ დღეებში მასობრივი ავიაიერიშების ქვეშ იყო უკრაინა. უკრაინის გენშტაბის განახლებული ინფორმაციით, 30 მაისს, ღამით უკრაინის მიმართულებით 31 დრონი კამიკაძე გამოიყენეს, რომელთაგან 29-ის მოგერიება უკრაინის საჰაერო ძალების სისტემამ კიევის მიმართულებით შეძლო.
კიევის სამხედრო ადმინისტრაციის ცნობით, ეს უკვე მესამე ავიაიერიშია კიევზე ბოლო სამი დღის განმავლობაში. დრონების ნაწილების ჩამოვარდნის გამო დაზიანებულია სახლები ქალაქის რამდენიმე უბანში. ერთგან მაღალსართულიან კორპუსში ხანძარი გაჩნდა. დაიღუპა ერთი ადამიანი და დაშავდა სამი.
⚡ Debris causes fire in Kyiv’s Holosiivskyi District, 1 person injured.
The Kyiv City Military Administration reported that debris caused a fire in a high-rise residential building. One person was wounded, the administration said.
Kyiv Mayor Vitalii Klitschko said that all… pic.twitter.com/4Akg7SEZR3
— The Kyiv Independent (@KyivIndependent) May 30, 2023
28 მაისს, კიევზე მასობრივი ავიაიერიშები დაიწყო. მაშინ უკრაინის შეიარღებულმა ძალებმა გაავრცელეს ცნობა, რომ უკრაინის მიმართულებით გამოიყენეს 54 კამიკაძე-დრონი, რომელთაგან 52 უკრაინის საჰაერო ძალებმა მოიგერია.
29 მაისს, კიევზე მოხდა ავიათავდასხმა დრონებითა და ფრთოსანი რაკეტებით. არსებული ინფორმაციით, უკრაინის საჰაერო ძალებმა მოიგერია 40 საჰაერო ობიექტი.
