ბრაზილიის პრეზიდენტს არჩევნებში გამარჯვება მალევე მიულოცეს მსოფლიო ლიდერებმა

ბრაზილიის ახალ პრეზიდენტს არჩევნებში გამარჯვება შედეგების გამოცხადებიდან მალევე მიულოცეს მსოფლიო ლიდერებმა. მათ იმედი აქვთ, რომ ახალი პრეზიდენტი დიპლომატიურ ურთიერთობებს ახალ სიმაღლეზე დააყენებს. ამ თემაზე ევრონიუსის კორესპონდენტმა ანელიზ ბორჯესმა ისაუბრა:

“ბრაზილიაში ლუის ინასიუ და სილვას გამარჯვებამ დაასრულა პოლარიზებული რბოლა პრეზიდენტობისთვის და ქვეყანაში დიპლომატიური ურთიერთობის ახალი ერა დაიწყო. ამერიკის შეერთებული შტატების პრეზიდენტმა, ჯო ბაიდენმა, საფრანგეთის პრეზიდენტმა, ემანუელ მაკრონმა და მსოფლიოს სხვა ლიდერებმა ლულას გამარჯვება, არჩევნების შედეგების გამოცხადებიდან მალევე მიულოცეს. ბევრი, ვისაც ბრაზილიის ამჟამინდელი პრეზიდენტი ჟაირ ბოლსონარუ პირადად არასდროს უნახავს, მას ქვეყნის დემოკრატიული ინსტიტუტებისა და დიპლომატიური ურთიერთობების შელახვაში ადანაშაულებს. ევროკავშირის ლიდერებსა და ბრაზილიის პრეზიდენტს შორის ურთიერთობა მაშინ დაიძაბა, როცა ბონსონარუმ ამაზონის ტროპიკული ტყეების დაცვაზე უარი განაცხადა. ლულა, კი მსოფლიოს ახსოვს როგორც ქარიზმატული ლიდერი, რომელსაც გლობალრ პოლიტიკაზე ძალიან დიდი გავლენა ჰქონდა, 2000-იანი წლების დასაწყისში, მაშინ როცა ბრაზილიის პრეზიდენტი იყო. ის ხშირად ირგებდა შუამავლის როლს სხვადასხვა გამოწვევის დასაძლევად. ეს დღეს, ამ რთულ ვითარებაში შესაძლოა, ძალიან სასარგებლო აღმოჩნდეს. თუმცა ასევე შესაძლოა, რომ ლულა არ იყოს ევროკავშირისა და ამერიკის შეერთებული შტატების პირდაპირი მოკავშირე, რამდენიმე მსოფლიო კრიზისთან დაკავშირებით, მაგალითად რუსეთ-უკრაინის ომის დროს. ლუის ინასიუ და სილვამ გააკრიტიკა ამერიკის შეერთებული შტატების პრეზიდენტი, ჯო ბაიდენი და უკრაინის პრეზიდენტი ვოლოდიმირ ზელენსკი. მისი თქმით მათ რუსეთის პრეზიდენტ, ვლადიმერ პუტინთან ომის დაწყებამდე მოლაპარაკება ვერ მოახერხეს. ლულას, ვლადიმერ პუტინმაც მიულოცა არჩევნებში გამარჯვება და განაცხადა, რომ ის მოუთმენლად ელის ბრაზილიის პირველ პირთან ერთად მუშაობას.”