საფრანგეთში, ქალაქ ნიცაში თავდასხმის შედეგად სამი ადამიანი დაიღუპა. ერთ გარდაცვლილს თავი აქვს მოკვეთილი, არიან დაჭრილებიც. პოლიციამ თავდამსხმელს ცეცხლი გაუხსნა და ის საავადმყოფოში გადაიყვანეს. გამოძიება ტერორიზმის მუხლითაა დაწყებული. შეტევა ადგილობრივი დროით 10 საათზე მოხდა.
“მე შოკირებული ვარ ნიცაში, ეკლესიაში მომხდარი სასტიკი მკვლელობის გამო. ჩემი ფიქრები დაღუპულთა და დაჭრილთა ახლობლებთანაა. გერმანია სოლიდარობას უცხადებს ფრანგ ერს ამ რთულ პერიოდში”, — განაცხადა გერმანიის კანცლერმა ანგელა მერკელმა.
Kanzlerin #Merkel: „Ich bin tief erschüttert über die grausamen Morde in einer Kirche in #Nizza. Meine Gedanken sind bei den Angehörigen der Ermordeten und bei den Verletzten. Der französischen Nation gilt in diesen schweren Stunden Deutschlands Solidarität.“
— Steffen Seibert (@RegSprecher) October 29, 2020
საფრანგეთის პრემიერ მინისტრის მიხედვით, უსაფრთხოების ზომები მთელი ქვეყნის მასშტაბით მაქსიმალურადა გამკაცრდა. ნიცაში გაურკვეველი ვადით დაიკეტა ყველა ეკლესია.
ტვიტერზე პოსტი გამოაქვეყნა ნატოს გენერალურმა მდივანმა იენს სტოლტენბერგმაც, რომელმაც თავდასხმა დაგმო და საფრანგეთს ნატოს სახელით მხარდაჭერა გამოუცხადა.
ნიცის ტრაგედია საქართველოს პრეზიდენტი სალომე ზურაბიშვილიც გამოეხმაურა.
My thoughts are with the French people. I condemn this attack of hatred. My prayers are with those injured and those who lost their loved ones.@cestrosi @EmmanuelMacron
— Salome Zourabichvili (@Zourabichvili_S) October 29, 2020
“ჩემი ფიქრები ფრანგი ხალხის გვერდითაა. მე ვგმობ ამ სიძულვილის აქტს. ვლოცულობ დაღუპულთათვის და მათთვის, ვინც საყვარელი ადამიანები დაკარგა”, — წერს პრეზიდენტი.
საფრანგეთის პარლამენტში წუთიერი დუმილით პატივი მიაგეს თავდასხმის შედეგად დაღუპულ ადამიანებს.
