ამერიკის შეერთებული შტატების სტრატეგიული სარდლობის ტვიტერის გვერდზე 28 მარტს ასოებისა და ციფრების გაურკვეველი წყობა გამოქვეყნდა, რამაც სოციალურ ქსელში დაბნეულობა გამოიწვია. მომხმარებლების ნაწილს მიაჩნდა, რომ სარდლობის ანგარიში ჰაკერებმა გატეხეს.
US Strategic Command just tweeted this 😬😬😬 pic.twitter.com/2vR465AAUl
— Caleb Hull (@CalebJHull) March 28, 2021
მალევე გაირკვა, რომ საეჭვო ტვიტის უკან სოციალური ქსელის ანგარიშის ადმინისტრატორის ოჯახის პატარა წევრი, ბავშვი იდგა, რომელმაც რამდენიმე წუთით უყურადღებოდ დატოვებული კომპიუტერით ისარგებლა.
Filed a FOIA request with U.S. Strategic Command to see if I could learn anything about their gibberish tweet yesterday.
Turns out their Twitter manager left his computer unattended, resulting in his "very young child" commandeering the keyboard. pic.twitter.com/KR07PCyCUM
— Mikael Thalen (@MikaelThalen) March 29, 2021
ამერიკის სამხედრო სარდლობა 11 განყოფილებადაა დაყოფილი, თითოეული მათგანი ამერიკის შეერთებული შტატების სამხედრო იერარქიაში უმაღლეს რგოლს წარმოადგენს.
ერთ-ერთი ასეთია ამერიკის შეერთებული შტატების სტრატეგიული სარდლობა, რომელიც ქვეყნის სტრატეგიულ თავდაცვაზეა პასუხისმგებელი. სწორედ მის დაქვემდებარებაშია ამერიკის ბირთვული, ელექტრონული, სარაკეტო არსენალი, სადაზვერვო სამსახური და კიბერშესაძლებლობები.
ამერიკის შეერთებული შტატების სტრატეგიულ სარდლობაში განაცხადეს, რომ ანგარიში არ გაუტეხავთ, შესაბამისად, არც საფრთხეა მოსალოდნელი.
