50 წელზე მეტი ხნის გამოცდილების მიუხედავად, დიზაინერი რალფ ლორენი კვლავ თავგადასავლებს ეძებს. ლეგენდარულმა დიზაინერმა ნიუ-იორკში თავისი 2026 წლის შემოდგომის კოლექცია წარადგინა. ჩვენება მანჰეტენში, ისტორიულ შენობაში, გაიმართა. ღონისძიებაზე კლასიკური ელეგანტურობა თანამედროვე დეტალებს ერწყმოდა.
კოლექციაში წამყვანი იყო მიწისფერი ტონები, მდიდრული ქსოვილები და მეტალის აქცენტები, რომლებიც ქალის სიძლიერესა და სინაზეს ერთდროულად უსვამდნენ ხაზს. პოდიუმზე წარმოდგენილი იყო გრძელი ქვედაბოლოები, მორგებული პიჯაკები და მაღალყელიანი ბლუზები; ვერცხლისფერი ჯაჭვები და ბროშები კოლექციას თანამედროვე ხასიათს სძენდა.
ჩვენებას ცნობილი სტუმრებიც დაესწრნენ. ღონისძიება გახსნა სუპერმოდელმა ჯიჯი ჰადიდმა. კოლექციის ერთ-ერთი გამორჩეული დეტალი იყო „ჯაჭვის აბჯრის“ მსგავსი დიზაინი, რომელიც ქალის სიმტკიცის სიმბოლოს წარმოადგენდა.
რალფ ლორენის ახალი კოლექცია კიდევ ერთხელ აჩვენებს, რომ დიზაინერი ქმნის მოდის ახალ ტენდენციას კლასიკური ამერიკული სტილისა და თანამედროვე მოდის შერწყმით.
