The Telegraph-მა და და საინფორმაციო სააგენტო Reuters-მა გამოაქვეყნეს აშშ-ის ალეტრნატიული, „ევროპის სამშვიდობო გეგმა“ უკრაინაში რუსეთის ომის დასასრულებლად.
ამავე გამოცემების ცნობით, ეს გეგმა შედგენილია დიდი ბრიტანეთის, საფრანგეთისა და გერმანიის ჩართულობით და ის ეფუძნება მეტწილად აშშ-ის მიერ წარდგენილ 28 პუნქტს, თუმცა არსებითი განსხვავებებია.
ევროპული გეგმის მიხედვით, რუსული აქტივები რჩება გაყინული უკრაინისთვის ზიანის ანაზღაურებამდე. ასევე, საუბარია უკრაინის NATO-ში გაწევრების საკითხზეც და ნათქვამია, რომ ეს დამოკიდებული იქნება ჩრდილოატლანტიკური ალიანსის წევრთა კონსენსუსზე.
ევროპული გეგმის მიხედვით, ასევე სადავო ტერიტორიებზე მოლაპარაკებები უნდა დაიწყოს ფრონტის ხაზზე მხარეების შეხების წერტილიდან. აშშ-ის ალტერნატიული, ევროპული გეგმა ასევე ითვალისწინებს უკრაინაში არჩევნების ჩატარებას „რაც შეიძლება მალე“.
