SpaceX-მა სამშაბათს დილით კოსმოსში ოთხკაციანი რაკეტა გაუშვა. მისიის გაშვება, რომლის ეკიპაჟსაც საჰაერო ძალების ვეტერანი სკოტ პოტეტი ხელმძღვანელობს, თავდაპირველად 27 აგვისტოს იყო დაგეგმილი, თუმცა შეფერხების გამო გადაიდო.
კოსმოსური მისიის მთავარი მიზანი პირველი კერძო კოსმოსური მოგზაურობისთვის მომზადებაა. მისიის ფარგლებში Starlink-ის თანამგზავრების საშუალებით ხომალდსა და დედამიწას შორის კავშირი შეამოწმეს.
კოსმოსში დაახლოებით 40 ექსპერიმენტი ჩატარდება. კოსმონავტები გაზომავენ ხომალდში არსებულ რადიაციას და შეისწავლიან, თუ როგორ რეაგირებს ადამიანის სხეული დაბალი გრავიტაციის გარემოში.
