ტექნიკური ხარვეზის გამო ნიდერლანდების მეორე უდიდეს ეინდჰოვენის აეროპორტში 20-მდე ფრენა გადაიდო, ხოლო რამდენიმე ამსტერდამსა და ბრიუსელში გადამისამართდა.
„ჩვენი ფრენა უკვე ორჯერ გადაიდო. პირველად მათ ფრენა შუადღემდე გადაგვიდეს. ახლა კი პირველ საათამდე, ამიტომ უკვე ისიც კი არ ვიცით, გავფრინდებით თუ არა“, – განაცხადეს მგზავრებმა აეროპორტში.
ტექნიკური გაუმართაობა დაფიქსირდა თავდაცვის სამინისტროში, რამაც აეროპორტისა და სხვა გადაუდებელი სერვისების გათიშვა გამოიწვია. ქვეყნის პრემიერ-მინისტრმა უკვე დაადასტურა, რომ ტექნიკური პრობლემა არ იყო გამოწვეული ჰაკერული თავდასხმისგან.
„ამის ნიშნები არ გვაქვს, თუმცა ბოლომდე ვერ გამოვრიცხავ. ყოველ შემთხვევაში, თავდაცვის სამინისტრო ჯერ ამის შესახებ არაფერს ამბობს“, – განაცხადა პრემიერ-მინისტრმა.
There is no air traffic on Eindhoven Airport until at least 5.p.m. For up-to-date flight information please check https://t.co/15QkM4JJPl or contact your airline.
— Eindhoven Airport (@EINairport) August 28, 2024
ეინდჰოვენის აეროპორტის ობიექტები თავდაცვის სამინისტროს მიერ აქტიურად გამოიყენება. ამ ეტაპზე გაურკვეველია თუ რამდენ ხანში გამოსწორდება ტექნიკური პრობლემები.
