27 სექტემბერს ჩატარებულ რეფერენდუმზე შვეიცარიელმა ამომრჩევლებმა დიდი უპირატესობით უარყვეს ქვეყნის ნეიტრალიტეტის გამკაცრების წინადადება. შვეიცარიელთა დაახლოებით 70%-მა ამ ზომის წინააღმდეგ მისცა ხმა.
ინიციატივის მიღების შემთხვევაში შვეიცარიას შეეძლებოდა, სანქციები დაეწესებინა მხოლოდ გაეროს თანხმობით, რაც, ფაქტობრივად, რუსეთს, ვეტოს უფლების მქონე უშიშროების საბჭოს მუდმივ წევრს, ასეთი ზომების დაბლოკვის შესაძლებლობას მისცემდა.
შვეიცარიის მემარჯვენე სახალხო პარტია და მისი მხარდამჭერები ამტკიცებდნენ, რომ რუსეთის მიერ უკრაინაში შეჭრის შემდეგ შვეიცარია ძალიან დაუახლოვდა ევროკავშირსა და ნატოს.
შვეიცარია დიდი ხნის განმავლობაში ინარჩუნებს ნეიტრალიტეტის პოლიტიკას.
თუმცა მასში გარკვეული ცვლილებების შეტანასთან დაკავშირებით წლების განმავლობაში პოლიტიკური დებატები მიმდინარეობდა.
მიუხედავად იმისა, რომ შვეიცარიელ ამომრჩევლებს არ მოსწონთ შემოთავაზებული შეზღუდვები, ნეიტრალიტეტის მომხრე მაინც ბევრია.
უახლესი მონაცემებით, გამოკითხულთა 82% უჭერს მხარს შვეიცარიის ნეიტრალიტეტს.