რუსეთმა უკრაინის ქალაქ სუმის ოლქზე მორიგი საჰაერო იერიში მიიტანა. ადგილობრივი ხელისუფლების ინფორმაციით, თავდასხმის შედეგად ექვსი ადამიანი დაშავდა, მათ შორის სამი ბავშვი.
უკრაინის საგანგებო სიტუაციების სახელმწიფო სამსახურის ცნობით, რუსულმა ძალებმა სუმის შემოგარენი მართვადი საავიაციო ბომბებითა და უპილოტო საფრენი აპარატებით დაბომბეს. იერიშის შედეგად დაზიანდა და ნაწილობრივ განადგურდა საცხოვრებელი სახლები, ასევე სასოფლო-სამეურნეო საწარმოს ინფრასტრუქტურა.
უკრაინის საჰაერო ძალების ინფორმაციით, გასული ღამის განმავლობაში რუსეთმა ქვეყნის მიმართულებით 131 შორი დრონი გაუშვა. მათგან 107 უკრაინულმა საჰაერო თავდაცვამ ჩამოაგდო ან ელექტრონული ბრძოლის საშუალებით გაანეიტრალა.
სამხედროების განცხადებით, 16-მა უპილოტო აპარატმა ცხრა სხვადასხვა ადგილას ინფრასტრუქტურა მაინც დააზიანა. რუსეთი უკრაინის ქალაქებს დრონებითა და ავიაბომბებით ყოველდღიურად უტევს. ფრონტის ხაზის მიღმაც კი სამოქალაქო მოსახლეობა მუდმივი საფრთხის ქვეშ რჩება.