სოფიამ შეერთებულ შტატებს თავისი სამხედრო ბაზების გამოყენების ნება დართო, რამაც თეირანსა და ბალკანურ ქვეყანას შორის დიპლომატიური დაძაბულობა გაამწვავა. ირანი ბულგარეთის მიმართ მუქარას არ წყვეტს.
დიპლომატიური უთანხმოება კიდევ უფრო გაღრმავდა მას შემდეგ, რაც ირანის საგარეო საქმეთა სამინისტროს წარმომადგენელმა ისმაეილ ბაღაეიმ განაცხადა, რომ აშშ-ის საჰაერო ტანკერების განთავსებისთვის ბულგარეთის გადაწყვეტილების მიმღებ პირებს პასუხისმგებლობა უნდა დაეკისროთ.
განცხადება მოჰყვა შეერთებული შტატების პრეზიდენტ დონალდ ტრამპის საჯარო მიმართვას. მან მადლობა გადაუხადა ბულგარეთის პრემიერ-მინისტრ რუმენ რადევს, ამ გადაწყვეტილებისთვის, მიუხედავად იმისა, რომ ირანი კვლავ ემუქრება ბულგარეთს თვითმფრინავების განლაგების გამო.
ეს თეირანის მესამე გაფრთხილებაა, რადგან აშკარაა, რომ ბულგარეთი ამ ნაბიჯით მხარს უჭერს აშშ-ის სამხედრო ოპერაციებს ირანის წინააღმდეგ.
მიუხედავად იმისა, რომ ბულგარეთის თავდაცვის მინისტრი დიმიტარ სტოიანოვი ამტკიცებს, რომ არ არსებობს სარაკეტო თავდასხმის რისკი, ქვეყანაში სიტუაცია კვლავ დაძაბულია.
ბულგარეთის პარლამენტმა დაამტკიცა შეერთებული შტატების თვითმფრინავების ბეზმერის სამხედრო საჰაერო ბაზაზე გადაყვანა, რამაც ადგილობრივი მოსახლეობის უკმაყოფილება და პროტესტი გამოიწვია. ისინი ფიქრობენ, რომ ტერიტორია რეგიონული სამიზნე გახდება.