გერმანიის კანცლერის, ფრიდრიხ მერცის თანახმად, ევროპელმა და კანადელმა პარტნიორებმა სამშვიდობო პროცესთან დაკავშირებით კონსულტაციები გამართეს. ამის შესახებ იგი პლატფორმა X-ზე წერს.
„ჩვენ წინ ვწევთ სამშვიდობო პროცესს. ახლა ყველასგან, მათ შორის რუსეთისგან, გამჭვირვალობა და კეთილსინდისიერებაა საჭირო“, – აღნიშნავს გერმანიის კანცლერი.
We held further consultations today with our European and Canadian partners in the Berlin Format. We are moving the peace process forward. Transparency and honesty are now required from everyone – including Russia.
— Bundeskanzler Friedrich Merz (@bundeskanzler) December 30, 2025
კონსულტაციების თაობაზე წერს ევროკომისიის პრეზიდენტი ურსულა ფონ დერ ლაიენიც. როგორც იგი აღნიშნავს, ევროპელ ლიდერებთან კარგი დისკუსია ჰქონდა უკრაინისადმი ევროკავშირის მხარდაჭერის, ქვეყნის უსაფრთხოებისა და რეკონსტრუქციის შესახებ.
„საბოლოოდ, თავისუფალი უკრაინული სახელმწიფოს კეთილდღეობა ევროკავშირში გაწევრებაშია. ეს თავისთავად უსაფრთხოების მთავარი გარანტიაცაა“, – აღნიშნავს ევროკომისიის პრეზიდენტი და ხაზს უსვამს იმასაც, რომ ევროკავშირში გაწევრებას სარგებელი მხოლოდ გაწევრებული ქვეყნისთვის კი არა, მთელი ევროპისთვის მოაქვს.
ფრიდრიხ მერცის მიერ მოწვეული საკოორდინაციო შეხვედრის შესახებ საუბრობს ევროპული საბჭოს პრეზიდენტიც.
Thanks to @bundeskanzler for convening a leaders’ coordination meeting to assess the latest developments in the Ukraine peace talks.
We are united in our determination to intensify efforts toward a just and sustainable peace.
— António Costa (@eucopresident) December 30, 2025
„ერთიანი ვართ მტკიცე გადაწყვეტილებაში, გავაძლიეროთ სამართლიანი და მდგრადი მშვიდობისკენ მიმართული ძალისხმევა“, – წერს ანტონიუ კოშტა პლატფორმა X-ზე.