საქართველოში 7 არასამთავრობო ორგანიზაციის საბანკო ანგარიშების დაყადაღებასთან დაკავშირებით, განცხადებას ავრცელებს საერთაშორისო უფლებადამცველი ორგანიზაცია Amnesty International-ი.
„დამოუკიდებელი არასამთავრობო ორგანიზაციების „საბოტაჟის მომწყობებად“ მოხსენიებით, ხელისუფლება აფერხებს მათ საქმიანობას და საშიში სიგნალს უგზავნის ყველას, ვინც ქვეყანაში ადამიანის უფლებებს იცავს. ადამიანის უფლებათა დამცველებისა და სამოქალაქო საზოგადოების წარმომადგენლების საქმიანობის შელახვით, თავად საქართველოს ხელისუფლება ჩადის „საბოტაჟს“ საკუთარი მოსახლეობის უფლებების წინააღმდეგ. ეს რეპრესიები უნდა შეწყდეს“ , – ვკითხულობთ ორგანიზაციის განცხადებას პლატფორმა X-ზე.
By undermining the work of human rights defenders and civil society actors, Georgian authorities are themselves sabotaging the human rights of their population. This crackdown on human rights must end 3/3
— amnestypress (@amnestypress) August 27, 2025
სასამართლოს გადაწყვეტილებას, სამოქალაქო ორგანიზაციების საბაკო ანგარიშების დაყადაღების შესახებ კრიტიკულად აფასებს სენატორი ჯო უილსონი.
„ქართული ოცნების” ანტი-ამერიკული რეჟიმი მეტ რეპრესიას ახორციელებს თავისუფალი ქართველების წინააღმდეგ იმის გამო, რომ ისინი თავისი ქვეყნის კომუნისტური ჩინეთის მიერ ბოლომდე შთანთქმის აღკვეთას ცდილობენ. MEGOBARI აქტი საჭიროა დაუყოვნებლივ!” – წერს პლატფორმა X-ზე უილსონი.
The anti-American Georgian Dream regime is cracking down further on free Georgians for trying to prevent the total takeover of their country by Communist China. MEGOBARI needed immediately! https://t.co/4MiRIkHStC
— Joe Wilson (@RepJoeWilson) August 27, 2025
NGO-ების ანგარიშების დაყადაღების ამბავს ეხმიანება ევროპარლამენტარი რასა იუნკევიჩიენეც.
„ქართული ოცნება“ ამკაცრებს რეპრესიებს მშვიდობიანი მომიტინგეების წინააღმდეგ. თბილისის საქალაქო სასამართლომ 7 სამოქალაქო საზოგადოების ორგანიზაციის საბანკო ანგარიშები გაყინა თითქოსდა „საბოტაჟის“ საფუძველზე დემონსტრანტებისთვის საბაზისო დაცვითი აღჭურვილობის მიცემისთვის. ევროპარლამენტმა განსაზღვრა ევროკავშირმა როგორი პასუხი უნდა გასცეს. ჩვენ არ უნდა დავუშვათ, რომ საქართველო დავიწყებას მიეცეს. “,- წერს იუკნევიჩიენე პლატფორმა X-ზე.
Georgian Dream escalates its crackdown on peaceful protesters.
Tbilisi City Court froze bank accounts of 7 CSOs under a bogus “sabotage” probe for giving protesters basic protective gear.@Europarl_EN has set out how EU should respond.
We cannot let Georgia slip into oblivion. https://t.co/zJVEP3KOI2
— Rasa Juknevičienė (@RJukneviciene) August 27, 2025
სამოქალაქო სექტორის ფინანსური რესურსის დაყადაღებას კრიტიკული შეფასებით ეხმიანება სენატორი ჯინ შაჰინი.
ქართული ოცნების მთავრობის მიერ დაკავებული მომიტინგეებისთვის იურიდიული დახმარების გაწევა დანაშაული არ არის. ისევე როგორც ეს არ არის ‘სახელმწიფოს წინააღმდეგ მიმართული საბოტაჟი. მე კვლავ ვდგავარ ქართველი ხალხისა და სამოქალაქო საზოგადოების გვერდით, რომლებიც ცდილობენ შეინარჩუნონ საქართველოს დემოკრატია.“ -წერს პლატფომა X-ზე შაჰინი.
