სოლოლაკში ძველი შენობების უმეტესობა მეცხრამეტე საუკუნეშია აგებული. ასათიანის ქუჩას თავდაპირველად – ბაღის, მოგვიანებით – ბებუთოვის, 1922 წლიდან კი ენგელსის ქუჩა ეწოდებოდა. ლადო ასათიანის სახელს ის 1991 წლიდან ატარებს
ძველი შენობების უმეტესობას სოლოლაკში კულტურული მემკვიდრეობის ძეგლის სტატუსი აქვს. ამ უნიკალური არქიტექტურის ნაწილია თბილისური ეზოებიც, ხის აივნებითა და შუშაბანდებით. თუმცა, ულამაზეს ფასადებს მიღმა, ხშირად უმძიმესი რეალობა იმალება.
ძველი სახლების დიდი ნაწილი იმდენად ავარიულია, რომ იქ ცხოვრება სახიფათოა.
