ბოლო რამდენიმე დღის განმავლობაში ამერიკულმა მედიასაშუალებებმა წყაროებზე დაყრდნობით გაავრცელეს ინფორმაცია იმის თაობაზე, რომ ვაშინგტონმა გადასცა კიევს კონფიდენციალური დოკუმენტი, რომელშიც გაწერილი იყო, თუ როგორ ხედავს აშშ უკრაინაში ომის დასრულების პირობებს.
ერთ-ერთი შეთავაზება სხვა საკითხებთან ერთად გულისხმობს რუსეთის კონტროლის აღიარებას ყირიმზე და ასევე უკრაინის ნატოში გაწევრებაზე უარის თქმას.
