ტრამპმა გრანტი შეუწყვიტა „რადიო თავისუფლებისა“ და „ამერიკის ხმის“ ზედამხედველ სააგენტოს

თეთრი სახლის ვებგვერდზე გამოქვეყნდა ბრძანება, რომლის მიხედვითაც შემცირება ეხება აშშ-ის გლობალური მედიის სააგენტოს, რომელიც „რადიო თავისუფლებას,“ „ამერიკის ხმასა“ და ზოგიერთ სხვა მედიასაშუალებას  მეთვალყურეობს.

ბრძანების გამოქვეყნებიდან მალევე გავრცელდა წერილი, სადაც ნათქვამია, რომ წყდება გრანტი, რომელიც ეკუთვნოდა რადიო თავისუფალი ევროპა/რადიო თავისუფლებას.

მედიასააგენტოების ხელმძღვანელები უკვე გამოეხმაურნენ ამ გადაწყვეტილებას. „რადიო თავისუფლების“ პრეზიდენტმა სტივენ კაპუსმა თქვა, რომ ორგანიზაციისთვის დაფინანსების შეწყვეტა, „დიდი საჩუქარი იქნება ამერიკის მტრებისთვის“.