546-გვერდიანი ანგარიშის 35-ე გამოცემაში Human Rights Watch-მა ადამიანის უფლებები მიმოიხილა 100-ზე მეტ ქვეყანაში. აღმასრულებელი დირექტორი ტირანა ჰასანი წერს, რომ მსოფლიოს უმეტეს ნაწილში მთავრობებმა დაარბიეს და უკანონოდ დააპატიმრეს პოლიტიკური ოპონენტები, აქტივისტები და ჟურნალისტები. 2024 წელს 70-ზე მეტი ჩატარებული არჩევნებიდან უმეტესობაში ავტორიტარმა ლიდერებმა თავიანთი დისკრიმინაციული რიტორიკითა და პოლიტიკით შეინარჩუნეს, ან მოიპოვეს ადგილი.
HRW’s World Report 2025 is live! Our team is at the Foreign Correspondents’ Club in Bangkok to discuss the state of human rights in 2024 and upcoming challenges in 2025, with a focus on the Asia region. #Rights2025
Stream live via YouTube: https://t.co/vgcr8FGtof pic.twitter.com/f1plzB8Pkj
— Human Rights Watch (@hrw) January 17, 2025
Human Rights Watch-მა ამ ანგარიშში საქართველოში მიმდინარე მოვლენების შესახებაც ისაუბრა და ვრცელი სტატია მოამზადა სათაურით „საქართველოს მთავრობა ქმნის რეპრესიულ კანონებს და ძალადობს მშვიდობიან მომიტინგეებზე“. სტატიაში ასევე წერია, რომ მთავრობას დაუნდობლად მიჰყავს ქვეყანა რეპრესიულ ეპოქაში, რაც საქართველოსთვის უცნობია, თუმცა ეს ყველაფერი კარგად ნაცნობია ავტორიტარული ქვეყნებისთვის. მთავრობამ 26 ოქტომბერს მოიპარა ქართველი ხალხის ხმები და არჩევნებიდან ზუსტად ერთ თვეში გაკეთებული განცხადებით შეაჩერა საქართველოს ევროკავშირში გაწევრების პროცესი, რაც თავის მხრივ საქართველოს კონსტიტუციას არღვევს და ეწინააღმდეგება საქართველოს მოსახლეობის 80%-ს, რომელთაც სურთ, რომ ქვეყანა გახდეს ევროკავშირის წევრი.
სტატიაში ქრონოლოგიურად არის აღწერილი საქართველოში მიმდინარე ბოლოდროინდელი მოვლენები საპოლიციო ძალების მიერ ძალის გადამეტების შესახებ. სტატიაში ასევე ვკითხულობთ, რომ სპეცრაზმი და ხელისუფლებასთან დაკავშირებული არაფორმალური ძალადობრივი ჯგუფები სცემდნენ ჟურნალისტებს, მშვიდობიანი აქციის მონაწილეებსა და პოლიტიკოსებს.
