ბრიტანული გაზეთი The Guardian პლატფორმა X-ზე (ყოფილი Twitter) მასალებს აღარ გამოაქვეყნებს.
გამოცემის წარმომადგენლებს მიაჩნიათ, რომ პლატფორმაზე მნიშვნელოვნად გაიზარდა რადიკალი მემარჯვენეების შეთქმულების თეორიებისა და რასიზმის შემცველი ინფორმაციის სიხშირე.
X-ისთვის ბოიკოტის მიზეზად The Guardian ასევე ასახელებს მისი მფლობელის, ილონ მასკის, ფაქტორსაც. როგორც ბრიტანული გაზეთის წარმომადგენლები განმარტავენ, ილონ მასკმა პლატფორმა პოლიტიკური დისკურსის ფორმირებისთვის გამოიყენა.
