ილიას სახელმწიფო უნივერსიტეტში, წიგნის სახლ „ლიგამუსში“, წარადგინეს კრებული სახელწოდებით „უდიები – ეთნოგრაფიული ჩანაწერები: XIX, XX და XXI საუკუნეები“.
კრებული აერთიანებს უდიების, კავკასიაში მცხოვრები ერთ-ერთი ყველაზე მცირერიცხოვანი ხალხის, შესახებ ბოლო სამ საუკუნეში შეგროვებულ ეთნოგრაფიულ ჩანაწერებს.
ევრონიუს ჯორჯიას ეთერში წიგნის ავტორმა, ორგანიზაცია „საქართველოს უდიების“ თანადამფუძნებელმა, ილიას სახელმწიფო უნივერსიტეტის მოწვეული ლექტორმა ალექსანდრე ქავთარაძემ ისაუბრა.
