ევროკავშირის საგარეო საქმეთა მინისტრებმა დღეს საქართველოსთან დაკავშირებით იმსჯელეს. ევროკავშირის უმაღლესი წარმომადგენლის ჯოზეფ ბორელის თქმით, საჭიროების შემთხვევაში შემცირდება პოლიტიკური კონტაქტები საქართველოს ხელისუფლებასთან, ასევე გაიყინება მხარდაჭერა მთავრობისათვის და გადაიხედება ევროპული საკრედიტო დაფინანსების ხაზი.
ბორელმა ეს მინისტრების შეხვედრის შემდეგ გამართულ პრესკონფერენციაზე განაცხადა. ჯოზეფ ბორელმა კვლავ ხაზგასმით აღნიშნა, რომ კანონის მიღება საქართველოს ევროკავშირთან დაახლოების ნაცვლად აშორებს.
