ამერიკის შეერთებული შტატების სახელმწიფო მდივანი ენტონი ბლინკენი გაემგზავრა კიშინაუდან პრაღაში, სადაც ის ჩეხეთის თავდაცვის მინისტრ იანა ჩერნოჩოვას შეხვდა. პარტნიორებმა შეხვედრაზე უკრაინის რუსეთისგან დაცვის მნიშვნელობაზე ისაუბრეს. ენტონი ბლინკენმა შეაქო ჩეხეთის მიერ გაწეული ძალისხმევა უკრაინის მიმართ. ჩერნოჩოვამ განაცხადა, რომ მისი ქვეყნისთვის უკრაინის მხარდაჭერა პრინციპულად მნიშვნელოვანია.
„25 წლის წინ ჩეხეთი შეუერთდა ნატოს და ვფიქრობ, დღეს ვხედავთ, თუ რას ნიშნავს ეს ალიანსი როგორც ჩეხეთისთვის, ასევე შეერთებული შტატებისა და ყველა ჩვენი მოკავშირისთვის. ჩეხეთი ლიდერობს მრავალი განსხვავებული თვალსაზრისით, მათ შორის თავდაცვის ბიუჯეტით. ჩეხეთის ბიუჯეტი მთლიანი შიდა პროდუქტის 2.1% პროცენტს შეადგენს. ასევე ჩვენ ვხედავთ უკრაინის დასახმარებლად ჩეხეთის გაწეულ ძალისხმევას“, – განაცხადა ენტონი ბლინკენმა.
Good to meet with Foreign Minister @JanLipavsky in Prague today.
I commend Czechia for becoming the 17th government to work with us and other allies to counter foreign disinformation. pic.twitter.com/Xrqw8AUbvo
— Secretary Antony Blinken (@SecBlinken) May 30, 2024
„დემოკრატიული სამყაროს პასუხისმგებლობაა, უკრაინის შეიარაღებულ ძალებს მიაწოდოს ყველაფერი, რაც საჭიროა მათი ქვეყნის დასაცავად. ჩეხეთმა უკრაინას მიაწოდა ტანკები, საბრძოლო მანქანები და შვეულმფრენები. ჩვენ ახლა ვმუშაობთ ასობით კრიტიკულად საჭირო საარტილერიო ჭურვის მიწოდებაზე“, – თქვა იანა ჩერნოჩოვა.
