ისრაელის ქალაქებში კი კვლავ საპროტესტო აქციები იმართება. მომიტინგეები მთავრობისგან უფრო ქმედით ნაბიჯებს მოითხოვენ ღაზაში გატაცებული მძევლების დასაბრუნებლად.
„ჰამასის“ წარმომადგენელი აცხადებს, რომ მათი დელეგაცია დღეს კაიროში განიხილავს ისრაელის მიერ წარდგენილ შეთავაზებას ცეცხლის შეწყვეტის თაობაზე.
ცეცხლის შეწყვეტასთან დაკავშირებული შეფერხებული მოლაპარაკებების აღდგენის ძალისხმევა სულ უფრო მეტად აქტიურდება. მიზანი კი ისაა, რომ ისრაელმა არ დაიწყოს დაგეგმილი სამხედრო ოპერაცია სამხრეთის ქალაქ რაფაჰში, სადაც ამჟამად ღაზის მოსახლეობის ნახევარზე მეტი აფარებს თავს.
პალესტინის პრეზიდენტი მაჰმუდ აბასი ამბობს, რომ მცირე დარტყმაც საკმარისია იმისთვის, რომ ყველამ დატოვოს პალესტინა. მისი თქმით, ეს პალესტინელი ხალხის ისტორიაში უდიდესი კატასტროფა იქნება.
ისრაელი აცხადებს, რომ ღაზაში სულ უფრო მეტი დახმარება შემოდის.
ზოგიერთი ქვეყანა, რომელთა შორისაა შეერთებული შტატები და იორდანია, კვლავ საჰაერო გზით აწვდის დახმარებას რეგიონს.
ისრაელის არმიის სპიკერის დანიელ ჰაგარის განცხადებით, გასული კვირების განმავლობაში ღაზაში შემავალი ჰუმანიტარული დახმარების მოცულობა საგრძნობლად გაიზარდა. მომავალ დღეებში კი კიდევ უფრო მეტი დახმარება შევა ღაზაში.
“We seek to help alleviate the suffering of the civilians in Gaza that has resulted from the war that Hamas started on October 7, when it massacred and kidnapped Israelis.”
🔴Watch IDF Spokesperson RAdm. Daniel Hagari discuss the IDF’s ongoing efforts to increase aid going into… pic.twitter.com/ggJMwU5dVb
— Israel Defense Forces (@IDF) April 28, 2024
მსოფლიო სასურსათო პროგრამის სპიკერის თქმით, მიუხედავად იმისა, რომ დახმარების მოცულობის გაზრდა წინგადადგმული ნაბიჯია, ჯერ მაინც ნაადრევია იმაზე საუბარი, რამდენად აღმოფხვრეს რეგიონში შიმშილის საფრთხე.
