საერთაშორისო საფონდო ბაზარზე ქართული ობლიგაციებისა და ფასიანი ქაღალდების გამოშვებისა და ბიზნესის ხელშეწყობისთვის სახელმწიფომ ახალი პროგრამა დაიწყო. USAID-ის ფინანსური მხარდაჭერით სააგენტომ “აწარმოე საქართველოში” კაპიტალის ბაზრის მხარდაჭერის სახელმწიფო პროგრამის პრეზენტაცია გამართა.
პროგრამის ფარგლებში 15-ამდე ბიზნესოპერატორი საფონდო ბაზარზე 150 მილიონამდე ლარის დამატებითი საინვესტიციო რესურსის მოზიდვას შეძლებს.
ამისთვის კი აუცილებელია, რომ ბიზნესოპერატორს 60-მილიონიანი ან მეტი ბრუნვა ჰქონდეს. მხარდაჭერის კრიტერიუმებიც და შესაძლებლობებიც განსხვავებულია.
ახალი მიმართულება მიზნად ისახავს მცირე და საშუალო ბიზნესისთვის ფინანსებზე წვდომის გაუმჯობესებასა და კაპიტალის ბაზრის ხელშეწყობას ფასიანი ქაღალდების განთავსების სტიმულირების გზით.
