უკვე ცნობილია რიგით მეოთხე კონცერტი, რომელსაც 28 ივლისს Black Sea Arena უმასპინძლებს. Starring Georgia-ს ფარგლებში მაყურებლის წინაშე ბრიტანული ჯგუფი Massive Attack წარდგება.
ჯგუფი ბრისტოლში 1988 წელს ჩამოყალიბდა. ის ცნობილია ჰიპ-ჰოპის, ელექტრონიკის, დაბისა და კიდევ მრავალი მუსიკალური ჟანრის ჰარმონიულად შერწყმის ოსტატობით და მიღებული აქვს ბევრი მუსიკალური ჯილდო.
ორგანიზატორების თქმით, ბილეთების გაყიდვა ხვალიდან დაიწყება.
„ბლექ სი არენაზე“ კიდევ 3 კონცერტი გაიმართება. მუსიკალურ სეზონს შეკვეთილში 10 მაისს ამერიკული პოპ-როკბენდი OneRepublic გახსნის. 31 მაისს კი უკვე მეორედ მსმენელის წინაშე ლეგენდარული ჰარდროკბენდი Scorpions წარდგება, ხოლო 18 აგვისტოს მუსიკალური ჯგუფის Jungle კონცერტი გაიმართება.
