ატომური ენერგიის საერთაშორისო სააგენტოს ხელმძღვანელი აცხადებს, რომ ზაპორიჟიის ატომურ ელექტროსადგურზე ავარიის რეალური საფრთხე არსებობს.
რაფაელ გროსის თქმით, მათ უნდა დაუშვან, რომ თვითკმაყოფილებამ ხვალინდელ დღეზე იმოქმედოს. მათ ყველაფერი უნდა გააკეთონ, რომ ავარიის რისკი მინიმუმამდე დაიყვანონ.
გროსის განცხადებით, დაცული უნდა იყოს ის ხუთი პრინციპი, რომლებიც გაეროს სხდომათა დარბაზში იქნა დადგენილი.
ეს განცხადება მას შემდეგ გაკეთდა, რაც ერთ-ერთ რეაქტორს დრონით დაესხნენ თავს. რუსეთი ინციდენტში უკრაინას ადანაშაულებს, კიევს მომხდართან დაკავშირებით კომენტარი არ გაუკეთებია.
ამერიკის შეერთებული შტატების კონგრესის წარმომადგენელთა პალატის სპიკერმა მაიკ ჯონსონმა თანაპარტიელ რესპუბლიკელებს წარუდგინა ოთხი დამოუკიდებელი კანონპროექტი ისრაელის, უკრაინის, ტაივანის დახმარებისა და ეროვნული უსაფრთხოების პრიორიტეტების შესახებ.
კანონპროექტები 16 აპრილს უნდა გამოქვეყნდეს. წინასწარი ინფორმაციით, კენჭისყრა ამ კვირაში გაიმართება.
