ირანის ისლამური რესპუბლიკის მიერ გასროლილი რაკეტების ნაწილმა ისრაელის თავდაცვის ძალების სამხედრო ბაზებამდე მიაღწია.
ისრაელის ხელისუფლების წარმომადგენელთა განცხადებით, მათ თეირანის მიერ გაშვებული სამხედრო დრონებისა და რაკეტების 99% ჩამოაგდეს.
გაერთიანებული ერების ორგანიზაციაში კი ისრაელისა და ირანის წარმომადგენლები ერთმანეთს აკრიტიკებდნენ.
“მე არაერთხელ მომიწოდებია დამსწრე საზოგადოებისთვის, რომ ირანული რეჟიმის გასამართლებაა საჭირო, არაერთხელ მითქვამს, რომ ირანის ამბიციები რეგიონულ ომამდე მიგვიყვანს, დიდი ხანია მსოფლიოს ვაფრთხილებდით ირანიდან მომავალი საფრთხის შესახებ“, – განაცხადა გილად ერდანმა, ისრაელის მუდმივმა წარმომადგენელმა გაეროში.
“ჩვენი მიზანი ამერიკის შეერთებულ შტატებთან ომი არ გახლავთ, მაგრამ თუ ვაშინგტონი გადაწყვეტს ირანის ისლამური რესპუბლიკის წინააღმდეგ სამხედრო ნაბიჯების გადადგმას, ჩვენ შესაბამის პასუხს გავცემთ ამერიკულ მხარეს”, – განაცხადა ამირ ირავანმა, გაეროში ირანის ისლამური რესპუბლიკის მუდმივმა წარმომადგენელმა.
ისრაელსა და ირანს შორის არსებული დაპირისპირების შესახებ ისაუბრა გაერთიანებული ერების ორგანიზაციის გენერალურმა მდივანმაც: “გვაქვს საერთო პასუხისმგებლობა, რომ რეგიონში ვითარება რაც შეიძლება მალე განიმუხტოს და იმ ადამიანებს, რომლებსაც ეს ყველაზე მეტად ესაჭიროებათ, რაც შეიძლება მალე გავუწიოთ დახმარება. კიდევ ერთი რეგიონული ომი მსოფლიო უსაფრთხოების არქიტექტურას დიდ ზიანს მიაყენებს“.
We have a shared responsibility to work for peace.
Regional – and indeed global – peace and security are being undermined by the hour.
The world cannot afford more war.
My remarks to Sunday’s emergency Security Council session: https://t.co/I3ry6m7YuU pic.twitter.com/sQeH5fi0ku
— António Guterres (@antonioguterres) April 14, 2024
ისრაელსა და ირანს შორის დაპირისპირების შესახებ ისაუბრეს დასავლური ქვეყნების ლიდერებმაც.
„ირანმა პირველად მიიტანა იერიში პირდაპირ ისრაელზე, ეს აქამდე არასოდეს მომხდარა. ეს ძალიან სახიფათოა, გამომდინარე აქედან, ჩვენ ყველა ღონეს ვიხმართ, რომ ვითარება კიდევ უფრო მეტად არ დაიძაბოს”, – განაცხადა ემანუელ მაკრონმა, საფრანგეთის პრეზიდენტმა.
I condemn in the strongest terms the unprecedented attack launched by Iran against Israel, which threatens to destabilize the region.
I express my solidarity with the Israeli people and France’s commitment to the security of Israel, our partners, and regional stability.…
— Emmanuel Macron (@EmmanuelMacron) April 14, 2024
ირანი გააკრიტიკა გაერთიანებული სამეფოს საგარეო საქმეთა მდივანმა დეივიდ კამერონმა: “ეს იერიში სრული წარუმატებლობით დასრულდა. კიდევ ერთხელ ვნახეთ, თუ როგორი უარყოფითი როლი აქვს ირანს რეგიონში. იმედი მაქვს, რომ ისრაელი ირანს პასუხს არ გასცემს და ყურადღების ცენტრში კვლავ “ჰამასი” მოექცევა“.
საერთაშორისო ძალისხმევის მიუხედავად ახლო აღმოსავლეთში ვითარება დაძაბულია.
