ღაზის სექტორში ისრაელის თავდაცვის ძალების მიერ მიტანილი იერიშის შედეგად ჰუმანიტარული მისიის თანამშრომლები დაიღუპნენ.
ტრაგიკულ შემთხვევას ემსხვერპლნენ გაერთიანებული სამეფოს, პოლონეთის, ავსტრალიის, პალესტინის, კანადისა და ამერიკის შეერთებული შტატების მოქალაქეები.
ეს ადამიანები ღაზის სექტორში მასშტაბური ჰუმანიტარული ორგანიზაციის ეგიდით იმყოფებოდნენ. 7 თანამშრომლის დაღუპვის შემდეგ ორგანიზაციამ ფუნქციონირება შეაჩერა, ეს კი ადგილზე საკვების სიმწირით გამოწვეულ ვითარებას კიდევ უფრო ამძიმებს.
“I want to be very clear—the strike was not carried out with the intention of harming WCK aid workers. It was a mistake that followed a misidentification—at night during a war in very complex conditions. It shouldn’t have happened.”
Watch the full statement by IDF Chief of the… pic.twitter.com/JnvoJOTVg9
— Israel Defense Forces (@IDF) April 2, 2024
ისრაელის ხელისუფლების წარმომადგენელთა განცხადებით, იერიში შეცდომით მიიტანეს და მშვიდობიანი ადამიანების დაღუპვა დიდი ტრაგედიაა.
“ისრაელის თავდაცვის ძალები ჰუმანიტარულ ორგანიზაციებთან მუდამ თანამშრომლობს და ჩვენ ამ თვალსაზრისით მხოლოდ დადებითი გამოცდილება გვაქვს. მომხდარი არის არასწორი დაგეგმვის პირდაპირი შედეგი. მსურს მკაფიოდ განვაცხადო, რომ ჩვენი მიზანი მშვიდობიანი მოქალაქეებისა და მოხალისეების განადგურება არ გახლავთ. მიმდინარეობს გამოძიება და ყველაფერი რასაც ეს გამოძიება დაადგენს, საერთაშორისო საზოგადოებას წარედგინება“, – განაცხადა გენერალმა ჰერცი ჰალევმა, ისრაელის თავდაცვის ძალების გენერალური შტაბის მეთაურმა.
ახლო აღმოსავლეთში ჰუმანიტარული მისიით ჩასული ადამიანების დაღუპვის შესახებ ისაუბრეს დასავლური სახელმწიფოების მაღალჩინოსნებმაც.
Humanitarian workers are heroes. They show the best of what humanity has to offer.
I extend my deepest condolences to those who lost their lives in the strike on @WCKitchen in Gaza. There must be a swift, thorough, and impartial investigation into this incident. pic.twitter.com/SHtHtyfexy
— Secretary Antony Blinken (@SecBlinken) April 2, 2024
„სამწუხაროდ, დაღუპულთა შორის ჩვენი ერთი მოქალაქეც არის, ვუსამძიმრებ მის ოჯახს. მოვითხოვთ სრულფასოვან გამოძიებას, მე ვესაუბრე ისრაელის ხელისუფლების წარმომადგენლებს და მათ მე დამარწმუნეს, რომ დამნაშავე პასუხს აგებს“, – განაცხადა მელანი ჯოლიმ, კანადის საგარეო საქმეთა მინისტრმა.
ღაზის სექტორში მიმდინარე მოვლენებზე ისაუბრა რომის პაპმა ფრანცისკემაც: „სამწუხაროდ, ახლო აღმოსავლეთიდან ცუდი ამბები მოდის. კიდევ ერთხელ გთხოვთ, რომ ომი შეწყვიტოთ. გული მწყდება, რომ ამ დაპირისპირებას მშვიდობიანი მოსახლეობა ეწირება. დაინდეთ ერთმანეთი, მათ კი ვისაც სჭირდება დახმარება, აუცილებლად უნდა გაეწიოთ”.
გაერთიანებული ერების ორგანიზაციის წარმომადგენელთა განცხადებით, “ჰამასსა” და ისრაელს შორის ომს უკვე შეეწირა 180 მოხალისის სიცოცხლე.
