ვლადიმერ პუტინისთვის გამარჯვება არ მიულოცავთ დასავლეთის ქვეყნებში. იქ ყველა თანხმდება, რომ ეს იყო არჩევნები “არჩევანის გარეშე”. თუმცა პუტინმა გულმხურვალე მილოცვა მიიღო ბელარუსის, ირანის, ჩრდილოეთ კორეის, ვენესუელისა და ნიკარაგუის ლიდერებისგან, ასევე საქართველოს ოკუპირებული რეგიონების ე.წ. პრეზიდენტებისგან. რაც შეეხება დემოკრატიული სამყაროს ლიდერებს, მათ პუტინი და მისი არჩევნები მწვავედ გააკრიტიკეს.
რუსეთის საპრეზიდენტო არჩევნებს, რომელიც ვლადიმერ პუტინის გამარჯვებით დასრულდა, გამოეხმაურა ევროკავშირის უმაღლესი წარმომადგენელი ჯოზეფ ბორელი. მისი განცხადებით, რუსეთში საპრეზიდენტო არჩევნები სამართლიანი გზით არ ჩატარდა და დაფუძნებული იყო ხალხის დაშინებასა და გაყალბებაზე.
The presidential elections in Russia took place in a highly restricted environment, with voters deprived of a real choice and systematic internal repression.
We condemn the illegal holding of so-called “elections” in the occupied Ukrainian territories.https://t.co/0LlObalL4F
— Josep Borrell Fontelles (@JosepBorrellF) March 18, 2024
ასევე არაერთი ქვეყნის საგარეო საქმეთა მინისტრმა ისაუბრა არჩევნებზე:
„ეს იყო არჩევნები არჩევანის გარეშე. საარჩევნო პროცესი აჩვენებს არა მხოლოდ პუტინის აგდებულ დამოკიდებულებას საკუთარი ხალხის მიმართ, არამედ არღვევს გაეროს წესდებას. არჩევნების ჩატარება უკრაინის, საქართველოსა და მოლდოვის ოკუპირებულ ტერიტორიებზე ეწინააღმდეგება საერთაშორისო სამართალს“, – განაცხადა გერმანიის საგარეო საქმეთა მინისტრმა ანალენა ბერბოკმა.
