უკრაინის შეიარაღებული ძალების ყოფილი მთავარსარდალი, გენერალი ვალერი ზალუჟნი დიდ ბრიტანეთში ელჩად ინიშნება.
უკრაინის პრეზიდენტმა ვოლოდიმირ ზელენსკიმ მისი კანდიდატურა ხუთშაბათს დაამტკიცა. კიევმა დიდ ბრიტანეთში უკვე გაგზავნა მოთხოვნა მის დანიშვნასთან დაკავშირებით. ვოლოდიმირ ზელენსკი და კიევის ოფიციალური პირები ფიქრობენ, რომ ზალუჟნის დანიშვნა უფრო მეტად გააძლიერებს კიევსა და ლონდონს შორის ურთიერთობებს.
ხუთშაბათს ზელენსკიმ კიევში უმასპინძლა დიდი ბრიტანეთის თავდაცვის მინისტრ გრანტ შეფსს, რომელიც უკრაინაში უკვე მესამედ იმყოფება.
Today, I hosted the UK Secretary of State for Defense @grantshapps to discuss continued defense cooperation between Ukraine and the United Kingdom.
Our primary focus was on bolstering Ukraine's air defense and long-range capabilities, as well as meeting other urgent needs for… pic.twitter.com/vBO253sSY3
— Volodymyr Zelenskyy / Володимир Зеленський (@ZelenskyyUa) March 7, 2024
შეფსმა დამატებით 150 მილიონი ევროს ღირებულების სამხედრო დახმარების შესახებ განაცხადა, თანხის მნიშვნელოვანი ნაწილი უკრაინის არმიისთვის 10 000-ზე მეტი საბრძოლო და სადაზვერვო დრონის შეძენას მოხმარდება.
უკრაინის დახმარების საკითხი განიხილეს 28 ქვეყნის წარმომადგენლებმა, მათ შორის 21-მა მინისტრმა. შეხვედრაში მონაწილეობდნენ ასევე უკრაინის საგარეო საქმეთა და თავდაცვის მინისტრები და ნატოს გენერალური მდივანი. ვიდეოკონფერენცია პარიზის ორგანიზებით მოეწყო. მონაწილეების მიზანი საზოგადოებისთვის ერთიანობის ჩვენება და კიევის მხარდაჭერის გასაზრდელად კონკრეტული წინადადებების შეთავაზება იყო.
