ალექსეი ნავალნის პირველ მარტს დაკრძალავენ, თუმცა მისი ცოლი შიშობს, რომ დაკრძალვის ცერემონია მშვიდობიანად არ ჩაივლის, რადგან რუსული მილიცია დააკავებს მათ, ვინც ნავალნისთან გამოსამშვიდობებლად მივა.
18 თებერვალს იულია იულია ნავალნაია ევროპარლამენტის წინაშე სიტყვით გამოვიდა და კიდევ ერთხელ თქვა, რომ ნავალნი პუტინმა მოკლა.
„ალექსი მათ მოკლეს, შემდეგ შეურაცხყვეს მისი ცხედარი, მისი დედა… ერთი მხრივ ამ საჯარო მკვლელობამ ყველას აჩვენა, რომ პუტინს ყველაფერი შეუძლია, ხოლო თქვენ მასთან მოლაპარაკება ვერ შეძელით“, – განაცხადა ნავალნაიამ.
1/10 Full text of Yulia Navalnaya’s @yulia_navalnaya speech to the European Parliament:
«Dear Madam President, dear ladies and gentlemen.
Thank you for the opportunity to be here today.
After Putin tried to kill Alexei for the first time, we lived in southern Germany for…
— Кира Ярмыш (@Kira_Yarmysh) February 28, 2024
ნავალნის ცოლი ფიქრობს, რომ რუსეთის ხელისუფლებაში ყოფილი კრიმინალური ბანდის დამარცხება არაა შესაძლებელი საპროტესტო ნოტებითა და შეშფოთებით. მან მოუწოდა ევროპარლამენტარებს საკუთარ ქვეყნებში იპოვონ ის პირები, რომლებიც პუტინსა და მის გარემოცვას ფულის დამალვაში ეხმარებიან.
„და ამ ბრძოლაში თქვენ გყავთ სანდო მოკავშირეები. ათობით მილიონი რუსი, რომლებიც ომის, პუტინის, მის მიერ მოტანილი ბოროტების წინააღმდეგია. თქვენ უნდა იმუშაოთ მათთან, ჩვენთან“, – თქვა ალექსეი ნავალნის ქვრივმა.
საუბრის ბოლოს კი მან ისაუბრა მომავლის რუსეთზე, რომელსაც „ალექსეი ვეღარასდროს ნახავს“ და დასძინა, რომ ის თავად ყველაფერს გააკეთებს მისი ოცნების ასახდენად.
