საქართველოს ოკუპირებულ ტერიტორიაზე მცხოვრები ადამიანების პროტესტის მიუხედავად აფხაზეთის ე.წ. მთავრობა რუსეთის ხელისუფლებასთან მიმართებით მუდმივად დათმობებზე მიდის. ამ დათმობების რაოდენობა ბოლო დროს განსაკუთრებით გაიზარდა, თუმცა ჯერ კიდევ რჩება ისეთი საკითხები, რომლებზეც მოსკოვი და სოხუმი ვერ თანხმდებიან. როგორც ჩანს, რუსეთი ბოლომდე კმაყოფილი არ არის და კიდევ უფრო მეტ დათმობას ითხოვს. საქართველოს ოკუპირებულ ტერიტორიაზე მცხოვრები ხალხი კი აფხაზეთის ე.წ. მთავრობის მხრიდან კრემლის მოთხოვნების შესრულებას აპროტესტებს.
„ჩვენ უნდა ვამბობდეთ, რომ ჩვენი სამშვიდობო პოლიტიკა განხორციელდება ევროპული სტანდარტებით ევროპულ კონტექსტში. ჩვენთან იმყოფება ევროპის სადამკვირვებლო მისია. მეტად უნდა ჩავრთოთ ევროპა, რადგან აფხაზებსა და ოსებს დავანახოთ, რომ თქვენ არ დარჩებით ჩვენთან პირისპირ მარტო, როდესაც რუსები გავლენ. ჩვენ შორის იქნება ევროპა და ჩვენ შეიძლება ბრიუსელში ვილაპარაკოთ ერთმანეთთან“, – პაატა ზაქარეიშვილი, პოლიტოლოგი.
