ევროკავშირის მთავარმა დიპლომატმა ჯოზეფ ბორელმა თავის ორდღიანი ვიზიტის ფარგლებში კიდევ ერთხელ გაამახვილა ყურადღება უკრაინისადმი ევროკავშირის ურყევ და მტკიცე მხარდაჭერაზე.
პრეზიდენტ ზელენსკისთან და მის მთავრობასთან შეხვედრების დროს ბორელმა პირობა დადო, რომ წლის ბოლომდე ევროკავშირი უკრაინას მილიონზე მეტ საარტილერიო ჭურვს გადასცემს. ახლა ფინანსური და სამხედრო დახმარება სასიცოცხლოდ მნიშვნელოვანია კიევისთვის, რომელსაც ტყვია-წამალი უმთავრდება.
Продуктивна зустріч із Високим представником ЄС із закордонних справ та безпекової політики Жозепом Боррелем. Поінформував про ситуацію на полі бою. Обговорили співпрацю України та ЄС у безпековій сфері, зокрема постачання 1 мільйона артилерійських боєприпасів, як було домовлено.… pic.twitter.com/NccArjrH0T
— Volodymyr Zelenskyy / Володимир Зеленський (@ZelenskyyUa) February 7, 2024
ბრიუსელში ნატოს გენერალურმა მდივანმა იენს სტოლტენბერგმა უკრაინის ომის შედეგებსა და ევროპის უსაფრთხოებასთან დაკავშირებით ისაუბრა და განაცხადა, რომ დღეს მოკავშირეებმა კიდევ ერთხელ დაადასტურეს უკრაინისადმი მხარდაჭერა. მისი თქმით, ეს არ არის ქველმოქმედება.
[LIVE] 🎥 Watch #NATO Secretary General @jensstoltenberg's joint press conference with 🇺🇸 National Security Advisor @JakeSullivan46.https://t.co/rUvdNVIpSY
— Dylan White (@NATOpress) February 7, 2024
ეს საკითხი მათსავე ინტერესებს უკავშირდება, რადგან რუსეთის გამარჯვება მათ დაასუსტებს და გააძლიერებს არა მარტო მოსკოვს, არამედ ჩინეთს, ირანსა და ჩრდილოეთ კორეას. ეს პრობლემა ეხება ევროპისა და შეერთებული შტატების უსაფრთხოებას.
რესპუბლიკელმა სენატორებმა დონალდ ტრამპის ზეწოლის შედეგად დაბლოკეს კანონპროექტი, რომელიც საზღვრებზე შეზღუდვების გამკაცრებასა და უკრაინისა და ისრაელისთვის დახმარების ახალ პაკეტს მოიცავდა.
სენატორები ცდილობენ, მოამზადონ კანონპროექტის ახალი ვერსია, რომელშიც აღარ იქნება გათვალისწინებული საზღვრის უსაფრთხოებასთან დაკავშირებული რეგულაციები და მხოლოდ უცხოეთის დახმარების პუნქტები იქნება გაწერილი.
