ისრაელის თავდაცვის ძალები “ჰამასთან” ქალაქის სამხრეთ და დასავლეთ ნაწილებში იბრძვიან. სამხედრო საჰაერო ძალებმა კი “ჰამასის” შინაგან საქმეთა სამინისტროს შენობა დაბომბეს. ისრაელის 98-ე დივიზია ღაზის სექტორის სიდიდით მეორე ქალაქ ხან იუნისს უტევს.
IDF troops continue operations in Gaza:
📍Northern Gaza
Troops continue to operate in Hamas compounds, eliminating terrorists.📍Central Gaza
Troops eliminated dozens of terrorists and struck a terrorist cell.📍Khan Yunis
Troops struck and eliminated a number of terrorists…— Israel Defense Forces (@IDF) February 1, 2024
“ჰამასმა” ორი სარაკეტო იერიში მიიტანა სამხრეთ ისრაელზე. ღაზის სექტორში ჰუმანიტარული ვითარება უარესდება. ადგილობრივი მოსახლეობის თქმით, მათ არ აქვთ საკვები და სასმელი წყალი.
“მე ოჯახი არ მყავს, არც ქმარი და არც შვილი. ვერავინ მივლის, საჭმელი არავის აქვს, არც სასმელი წყალი. მას შემდეგ, რაც ჰუმანიტარული დახმარების მიწოდება შეფერხდა, ვითარება გაუსაძლისი გახდა“, – ამბობს საბაჰ ალ ისავი, ღაზის სექტორის მკვიდრი.
ვაშინგტონში კი აცხადებენ, რომ ამერიკის შეერთებული შტატები პალესტინის სახელმწიფოს ჩამოყალიბებას მხარს უჭერს და მხოლოდ ამ გზით არის შესაძლებელი რეგიონში მყარი მშვიდობის დამყარება.
Pleased to meet with Sigrid Kaag, who is leading @UN efforts on humanitarian assistance in Gaza.
We are working closely with her, and with Israel and Egypt, to maximize aid getting into Gaza. Her mission could not be more vital, and we strongly support it. pic.twitter.com/C0yzLS4REO
— Secretary Antony Blinken (@SecBlinken) January 31, 2024
„მიგვაჩნია, რომ კონფლიქტის ესკალაცია არავის ინტერესებში არ შედის. ეს არ გახლავთ ჩვენთვის სასურველი სცენარი. გვჯერა, რომ ეს არც ირანის ისლამურ რესპუბლიკაში სურთ. ვაშინგტონი ერთგული რჩება 2 სახელმწიფოს პრინციპისა და თვითგამორკვევის პრინციპის. რაც გულისხმობს იმას, რომ პალესტინური სახელმწიფოს ჩამოყალიბება რეგიონში მშვიდობისკენ მიმავალი ერთადერთი სწორი გზაა“, – განაცხადა მეთიუ მილერმა, აშშ-ის სახელმწიფო დეპარტამენტის პრესმდივანმა.
ისრაელის პრემიერ-მინისტრი კი პირობას დებს, რომ “ჰამასის” მიერ გატაცებულ ყველა მოქალაქეს სამშობლოში დააბრუნებს და ამ მიმართულებით ისრაელი არაფერს დათმობს.
„”ჰამასის” მიერ გატაცებული თანამემამულეების დასაბრუნებლად ძალისხმევას არ ვიშურებთ, მაგრამ ამისთვის ნებისმიერი ფასის გადასახდელად მზად არ ვართ. არსებობს წითელი ხაზები, ომს არ შევწყვეტთ, ღაზის სექტორიდან ჯარებს არ გამოვიყვანთ და ყველა დასახულ ამოცანას მივაღწევთ“, – განაცხადა ბენიამინ ნეთანიაჰუმ, ისრაელის პრემიერ-მინისტრმა.
2023 წლის 7 ოქტომბერს ისრაელსა და “ჰამასს” შორის დაწყებული ომის შედეგად უკვე დაიღუპა 27 ათასზე მეტი ადამიანი, დაჭრილია 60 ათასზე მეტი.
