დავოსის ეკონომიკური ფორუმის ფარგლებში საქართველოს პრემიერ-მინისტრი ირაკლი ღარიბაშვილი შეხვედრას “დიალოგი დიპლომატიაზე დასავლეთ ბალკანეთში” დაესწრო.
დავოსის ეკონომიკური ფორუმის ფარგლებში გაიმართა დიალოგი სახელწოდებით “დიალოგი დიპლომატიაზე დასავლეთ ბალკანეთში”. მასს დაესწრო საქართველოს პრემიერ-მინისტრი ირაკლი ღარიბაშვილი. ამ ინფორმაციას მთავრობის ადმინისტრაცია ავრცელებს. შეხვედრის მონაწილეების განცხადებით, ევროკავშირში დასავლეთ ბალკანეთის ქვეყნების დაჩქარებული ინტეგრაციის პროცესი ხელს შეუწყობს მშვიდობიანი თანაცხოვრების გამყარებას. ლიდერებმა ხაზი გაუსვეს ევროკავშირის გაფართოებისა და ამ პროცესში გამოცდილების გაზიარების მნიშვნელობას და აღნიშნეს, რომ ახალი ქვეყნების გაწევრიანება ევროკავშირს კიდევ უფრო მეტად გააძლიერებს.
“საქართველოს პრემიერ-მინისტრთან ერთად დიალოგში მონაწილეობდნენ მსოფლიო ეკონომიკური ფორუმის პრეზიდენტი ბრენდე ბორგე, ევროკომისიის პრეზიდენტი ურსულა ფონ დერ ლაიენი, სერბეთის რესპუბლიკის პრეზიდენტი ალექსანდერ ვუჩიჩი, ჩრდილო მაკედონიის პრეზიდენტი სტევო პენდაროვსკი, კოსოვოს პრემიერ-მინისტრი ალბინ კურტი, ხორვატიის პრემიერ-მინისტრი ანდრეი პლენკოვიჩი, მოლდოვის პრემიერ-მინისტრი დორინ რეჩანი, მონტენეგროს პრემიერ-მინისტრი მილოჟკო სპაჟიკი, უკრაინის საგარეო საქმეთა მინისტრი დმიტრო კულება, ავსტრიის რესპუბლიკის ევროპული და საერთაშორისო საქმეთა ფედერალური მინისტრი ალექსანდრ შალენბერგი, შვეიცარიის კონფედერაციის საგარეო საქმეთა მინისტრი იგნასიო კასისი, სლოვენიის საგარეო საქმეთა მინისტრი ტანია ფაჯონი, ბოსნია და ჰერცოგოვინის ფედერაციის მინისტრთა საბჭოს თავმჯდომარე ბორიანა კრიშტო და ნორვეგიის სამეფოს საგარეო საქმეთა მინისტრი ესპენ ბარტ ეიდე.
პანელური დისკუსიის მოდერატორი იყო მსოფლიო ეკონომიკური ფორუმის აღმასრულებელი დირექტორი მირეკ დუშეკი” – ნათქვამია გავრცელებულ განცხადებაში.
